Dronët ukrainas kanë sulmuar një tjetër gjigant rus të shitjes me pakicë për natën e tretë radhazi, ndërsa Volodymyr Zelensky përpiqet të shkatërrojë makinën e luftës së Kremlinit. Kjo vjen pas javësh sulme dramatike ndaj shitësit më të madh me pakicë të Moskës, Ëildberries, i njohur si Amazon i Rusisë, me ato që Ukraina i quan "goditje me rreze të gjatë veprimi" në një përpjekje për të zbrazur arkën e luftës së Vladimir Putinit. Katër qendra të tjera logjistike në pronësi të Ozon, shitësit të dytë më të madh online të Rusisë, u goditën nga dronë ukrainas gjatë natës. Ozon tha se qendrat e saj logjistike në Makhachkala dhe Enem u përfshinë nga flakët pas sulmeve me dronë. Punëtorët në një qendër në Stavropol u evakuuan gjithashtu pasi ndërtesa u shënjestrua nga dronë ukrainas. Pamjet dramatike treguan depot e përfshira nga flakët, me re të mëdha tymi të zi që ngriheshin në qiell. Kompania tha se disa persona u plagosën në sulmet që përkuan me ditën e pavarësisë së Ukrainës. Kjo është dita e tretë radhazi që forcat e Zelensky-t kanë goditur qendrat e Ozon. Ukraina gjithashtu sulmoi kozmodromin ushtarak Plesetsk të rusisë me më shumë se 40 dronë gjatë natës. Tym i zi u pa të ngrihej nga baza hapësinore por autoritetet nuk konfirmuan ndonjë dëm.