Forcat Ajrore Ukrainase thonë se një "mungesë serioze" e raketave interceptuese ka bërë që asnjë nga 23 raketat balistike të lëshuara nga Rusia mbi Kiev të dielën në mbrëmje nuk u rrëzuan. Të paktën 12 persona u vranë në sulmin e dytë masiv të Rusisë mbi kryeqytetin ukrainas brenda një jave, thanë zyrtarët. Gjashtë të tjerë u vranë në rajonin më të gjerë të Kievit. Presidenti ukrainas Volodymyr Zelensky u ka bërë thirrje aleatëve të marrin "vendime të forta" në samitin e NATO-s të kësaj jave për t'i siguruar Kievit mbrojtje ajrore. Pas sulmeve, ai tha se ushtria ukrainase kishte qenë e suksesshme në interceptimin e raketave lundruese dhe dronëve, por jo raketave balistike. "Në sulmin masiv rus të së dielës u përdorën 68 raketa dhe 351 dronë sulmues, tha ai në një postim në X. Forcat ajrore mundën të ndalin dhe rrëzonin 37 raketa dhe 326 dronë. Zelenski paralajmëroi se Moska do të vazhdojë të godasë ndërtesa banimi për sa kohë që raketat mbrojtëse Patriot mbeten në rezervat e aleatëve". Ajo e kaluara, ishte një tjetër natë e frikshme për njerëzit në kryeqytet, me shpërthime të forta dhe angazhim të mbrojtjes ajrore të Ukrainës.