Kryeministri i Hungarisë, Viktor Orban tha të hënën se Ukraina nuk është shtet sovran. Deklatratën kreu i qeverisë e bëri ndërsa iu përgjigj akuzave se dronët hungarezë të zbulimit kishin hyrë në hapësirën ajrore të Ukrainës – një tjetër rast që i ka tensionuar marrëdhëniet mes dy vendeve. “Ukraina nuk është në luftë më Hungarinë, është në luftë më Rusinë. Ajo duhet të shqetësohet për dronët në kufirin e saj lindor”, tha kryeministri hungarez gjatë një bisede të realizuar në një podkast me bindje të krahut të djathtë. “Unë iu besoj ministrave të mi, por le të themi se dronët kanë hyrë disa metra atje, dhe çka ndodhi? Ukraina nuk është shtet i pavarur. Ukraina nuk është shtet sovran. Ukraina financohet prej nesh, e financon Perëndimi edhe me armë”, deklaroi Orban. Qëndrim që solli menjëherë reagimin e ministrit të Jashtëm të Ukrainës, i cili tha se lideri hungarez vazhdon të jetë “i helmuar nga propaganda ruse”.