Sulmet me dronë ukrainasë kanë ndërprerë energjinë elektrike për "qindra mijëra" njerëz në Moskë, duke lënë pjesë të qytetit në errësirë. Rreth gjysmë milioni njerëz thuhet se kanë mbetur pa energji elektrike në mes të dimrit për shkak të sulmeve. Pamjet e shpërndara në mediat sociale pas sulmeve tregojnë blloqe të tëra kullash të lëna në errësirë. Në disa zona të kryeqytetit rus, llambat e rrugëve janë fikur gjithashtu. Sidoqoftë, numri i banorëve rusë të prekur nga ndërprerja e energjisë mbetet i paverifikuar. Raportet tregojnë se diku midis 100,000 dhe 600,000 kanë mbetur pa energji elektrike. Sipas informacioneve një zjarr në një nënstacion shkaktoi ndërprerjen e energjisë dhe shkak për zjarrin duket se ka qenë një sulm me dronë. Kjo vjen pasi raportet në mediat sociale sugjeruan se një tufë e madhe dronësh u panë drejt kryeqytetit rus. Sergei Sobyanin, kryetari i bashkisë së Moskës, thuhet se ka konfirmuar se disa mjete ajrore pa pilot u interceptuan mbi kryeqytet. Sipas disa raporteve, sulmet me dronë dhe ndërprerja e energjisë që pasoi kanë detyruar aeroportet të pezullojnë operacionet. Një llogari në mediat sociale raporton se sulmi shënon herën e parë që pjesë të Moskës kanë humbur energjinë elektrike pas një sulmi ukrainas. Një tjetër video e ndarë tregon gjeneratorë që vendosen në disa lagje në kryeqytetin rus për të rikthyer energjinë.