Ukraina nisi një sulm masiv me dron gjatë natës duke goditur shënjestra kryesore ruse më shumë se 500 km prapa vijës së armikut. Një ferr i madh flakësh u ndez në një depo nafte në Liski, në rajonin e Voronezhit pas një sulmi me të paktën dhjetë dronë ushtarakë. Dronët ukrainas shënjestruan gjithashtu fabrikën e barutit në Tambov pranë Kotovskut, rreth 500 km nga kufiri Rusi-Ukrainë. Objekti konsiderohet si një nga furnizuesit kryesorë me lëndë shpërthyese për ushtrinë ruse. Mbrojtja ajrore ruse tentoi në mënyrë aktive të mbronte fabrikën e Putinit. Por dronët canë mbrojtjen dhe goditën objektin, duke shkaktuar shpërthime dhe flakë. Zjarrfikësit nxituan nga dy rajone fqinje për të shuar zjarret. Ministria ruse e mbrojtjes tha në një deklaratë: “Gjatë natës, sistemet e mbrojtjes ajrore në detyrë interceptuan dhe eliminuan tre mjete ajrore pa pilot të Ukrainës”. Alexander Gusev, guvernatori rajonal, tha: "Territori i tre rajoneve të Voronezhit u sulmua nga më shumë se 10 dronë, shumica e tyre goditën një depo nafte në rrethin Liskinsky". Sulmi ajror i mbrëmshëm vjen pas bombardimeve më të rënda ajrore të Kievit, që nga fillimi i luftës që shkatërroi objektet ushtarake brenda Rusisë. Disa objektiva kyçe në të gjithë territorin rus - duke përfshirë një deri në 800 km prapa linjave të armikut - u hodhën në erë nga sulmet ajrore "masive" të Kievit. Komandantët ukrainas përdorën një kombinim strategjik të dronëve për të shpërqendruar mbrojtjen ajrore ruse përpara se të lëshonin raketa të cilat shfrytëzuan boshllëqet e krijuara për të goditur shënjestrat. Sulmi thuhet se ka goditur disa objektiva në Engels, Saratov, Kazan, Bryansk dhe Tula.