Ukraina ka mohuar me forcë pretenddimet e Rusisë se kishte dërguar dronë drejt Kremlinit, me qëllim asgjësimin e presidentit rus, Vladimir Putin. Presidenti ukrainas, Volodymir Zelensky u tregua i qartë në reagimin e tij, teksa tha se synimi i Ukrainës nuk është as të vrasë Putinin dhe as të godasë Kremlinin. “Ne nuk sulmojmë as Putinin dhe as Moskën. Ne luftojmë për të mbrojtur qytetet dhe fshatrat tona, të cilat sulmohen do ditë nga forcat ruse”, deklaroi Zelensky. Ndërkohë, këshilltari i presidentit ukrainas, Mikhailo Podolyak, shkoi edhe më tej, duke thënë se nëpërmjet akuzave, Kremlini po justifikon sulmet që pritet të bëjë në ditët e ardhshme mbi Ukrainë. Rusia pretendoi këtë të mërkurë se pengoi një sulm nga dronët ukrainas në Kremlin, duke e cilësuar atë një atentat të pasuksesshëm kundër presidentit Vladimir Putin dhe duke premtuar hakmarrje për atë që e quajti një akt "terrorist".