NATO ka ngritur me urgjencë në fluturim avionët luftarakë në dy vende, pasi Rusia nisi një sulm masiv hakmarrës ndaj Ukrainës gjatë natës. Putin shpërtheu në tërbimin e tij pasi Rusia u godit rëndë nga një sulm i shpejtë ukrainas në portin më të madh të naftës në vend. Avionët luftarakë polakë dhe rumunë u ngritën në patrullim pranë kufirit ukrainas mes morisë së dronëve rusë që lëshoheshin mbi bregun e lumit Danub. Komanda operative polake tha: "Për shkak të aktivitetit të forcave ajrore ruse me rreze të gjatë veprimi që kryen sulme në territorin ukrainas, forcat ajrore polake dhe aleate kanë filluar të operojnë në hapësirën tonë ajrore. Përgjigja përfshin avionë luftarakë dhe avionë të paralajmërimit të hershëm, me sistemet e mbrojtjes ajrore tokësore dhe ato të zbulimit me radar që janë vendosur në "gjendjen më të lartë të gatishmërisë". Rusia lëshoi të paktën 34 raketa, nga të cilat 25, u rrëzuan nga mbrojtja ajrore ukrainase. Një total prej 426 dronësh sulmuan po ashtu Ukrainën, me 365 që u rrëzuan ose u ndalën. Në Zaporizhzhia, sulmi ndaj ndërtesave të banimit shkaktoi një të vdekur dhe pesë të plagosur. Dy civilë të tjerë ukrainas humbën jetën dhe 11 u plagosën në sulmet ndaj një hoteli dhe një ndërtese banimi në Poltava, ndërsa shpërthimet në mëngjes herët tronditën rajonin Ivano-Frankivsk pranë kufirit rumun. Në Kharkiv, një sulm ndaj një treni vrau një burrë 61 vjeç dhe la të plagosur disa të tjerë.