Ukraina ka dërguar forca të reja në vijën e frontit, kryesisht në rajonet e kërcënuara rëndë Pokrovsk dhe Kurakhove. Presidenti ukrainas, Volodymyr Zelensky është shprehur se mund të pajtohej me një armëpushim vetëm nëse NATO do të binte dakord të mbronte zonat nën kontrollin ukrainas. “Dislokimet e reja janë në përgjigje të avancimit rus në Ukrainën lindore”, ka njoftuar të premten komandanti i përgjithshëm i Forcave të Armatosura të Ukrainës, Oleksandr Syrskyi. Përmes një postimi në rrjetin social Facebook Syrskyi ka deklaruar se NATO ka për detyrë të pengojë planet më të gjera të forcave ruse, të cilat shkojnë përtej këtyre seksioneve të vijës së parë. “Pokrovsk dhe Kurakhove, në skajin perëndimor të rajonit minerar dhe industrial të Donbasit, po përjetojnë betejat më të ashpra”, sipas raportit të Shtabit të Përgjithshëm. Përtej tyre shtrihet një peizazh i madh që të çon në lumin Dnipro. Avancimi rus këtu mund të hapë rrugën drejt qyteteve kryesore si, Dnipro dhe Zaporizhia. Ukraina është mbrojtur kundër pushtimit në shkallë të gjerë të Rusisë për më shumë se dy vjet e gjysmë. ‘Nëse duam të ndalojmë fazën e nxehtë të luftës, duhet të marrim nën ombrellën e NATO-s territorin e Ukrainës që kemi nën kontrollin tonë”, është shprehur presidenti ukriainas.