Presidentja e Moldavisë, Maia Sandu, që pritet të nënshkruajë një marrëveshje kyçe të mbrojtjes me Francën, tha se Moska planifikon të minojë stabilitetin e Moldavisë dhe ta largojë vendin nga rruga drejt integrimit evropian para zgjedhjeve presidenciale dhe një referendumi për anëtarësim në Bashkimin Evropian. Sandu i bëri këto deklarata pak pasi Shërbimi i Inteligjencës dhe Sigurisë së Moldavisë lëshoi një paralajmërim për planet e Rusisë për të penguar përpjekjet e Moldavisë që të shkëputet nga ndikimi shumë dekadësh i Moskës dhe të afrohet më shumë me Perëndimin. “Ajo se çfarë Moska do, ne të gjithë e kuptojmë. Moska dëshiron të destabilizojë situatën në Moldavi, Moska dëshiron të frikësojë qytetarët e Moldavisë, veçanërisht pasi këtë vit ne do të kemi referendumin për t’iu bashkuar BE-së”, tha Sandu, pak para se të nisej për në Paris.