Nga Ukraina bëhet e ditur, se nga sulmet e fundit ruse mbi qytetin port në Detin e Zi, Odesa është vrarë një civil si dhe janë dëmtuar apartamente banimi. "Odesa: një tjetër sulm natën i monstrave", shkroi në shërbimin Telegram, Oleh Kiper, guvernator i rajonit jugor ukrainas për Odesën duke bërë të ditur se "për fat të keq kemi një civil që është vrarë". Sipas të dhënave të Kiper ka pasur dëme në "infrastrukturuën civile, ndërtesa banimi dhe institucione fetare." Sipas agjencive është dëmtuar rëndë edhe kisha më e madhe ortodokse e qytetit. Ushtria ukrainase në fillim të qershorit dha sinjalin për kundërofensivën me synim rimarrjen e zonave të pushtuara nga Rusia. Qëllimi i deklaruar ishte edhe vendosja e Krimesë nën kontrollin e Ukrainës. Përmes gadishullit të Krimesë kalon edhe një pjesë e madhe e furnizimeve për trupat ruse në jug të Ukrainës. Vetëm në fillim të kësaj jave u dëmtua nga një sulm ura 19 km e gjatë që lidh tokën ruse me Krimenë.