Presidenti ukrainas, volodimir zelenski mund të shkojë në uashington javën e ardhshme, për të diskutuar më në hollësi detajet e planit me 28 pika të prezantuar nga DOnald Trump, për paqen në ukrainë. Lajmi është dhënë nga disa agjenci perëndimore lajmesh, sipas të cilave, burimet kanë konfirmuar se bisedimet do të fokusohen në njërën prej çështjeve më sensitive të planit 28-pikësh, që është ajo e mundësisë së lëshimeve territoriale ukrainase për Rusinë. Plani origjinal nuk është prezantuar publikisht, por ka rrjedhur gjerësisht në media. Mes tjerash në plan përmendet që Ukraina të heqë dorë nga rajonet Donjeck dhe Luhansk, që njihen si Donbas, si dhe nga Krimeja. Kievit do t’i kërkohej edhe që ta përfshinte në Kushtetutë mos anëtarësimin në NATO. Sipas planit, Moskës do t’i hiqeshin disa sanksione financiare. Në këmbim, Ukraina do të pranonte një formë të “garancive të sigurisë”, sidomos nga Shtetet e Bashkuara, do t’i lejohej anëtarësimi në Bashkimin Evropian dhe do të pranonte disa përfitime financiare. Rusisë në anën tjetër do t’i kërkohej të tërhiqej nga disa rajone ukrainase që tashmë i ka pushtuar.