Një pushtim i plotë i Ukrainës nga Rusia do të përhapte konfliktin në Evropë dhe madje mund të shkaktonte Luftën e Tretë Botërore, ka paralajmëruar qeveriA ukrainase. Sipas medieve të huaja, Yuliia Laputina, ministrja për çështjet e veteranëve – e cila më parë ka shërbyer si oficere e lartë në ekuivalentin e MI5 të Ukrainës – i tha Sky Neës se vendi i saj ishte gati të mbrohej nëse Moska fillon një sulm të ri. Por ajo tha se pasojat e veprimeve të mëtejshme ushtarake nga presidenti Vladimir Putin nuk do të përmbahen brenda kufijve të Ukrainës. “Nëse Rusia do të pushtojë, ju e dini, atëherë kujdesi duhet të shtohet edhe për Ballkanin. Ajo që rusët po bëjnë tani në Serbi – ata përpiqen të provokojnë një situatë në Ballkan”, tha ajo në një intervistë në zyrën e saj në Kiev. E pyetur nëse kishte mundësi që një pushtim të çonte në një luftë të tretë botërore, ministrja tha se gjeopolitikisht, duket se ky është një skenar i mundshëm. Pra… duhet t’i kushtojmë vëmendje çështjes së Ukrainës për shkak të sigurisë së kontinentit. “Kjo – përhapja e luftës në rast se ndodh pushtimi rus në Ukrainë – do të jetë shumë më e gjerë se Ukraina”