Në përditësimin më të fundit të Ukrainës, për numrin e viktimave ruse në luftë, thuhet se janë 172,900 trupat ushtarake të vrara. Sipas zyrtarëve të kievit, rusia ka humbur 6,974 automjete të blinduara, 3610 tanke, 2671 mjete artilerie dhe 306 avionë ushtarakë. E ndërkohë që moska ka folur vetëm një herë për humbjet në radhët e saj, vitin e shkuar, perëndimi dhe ukraina kanë dalë disa herë me shifra të tilla. Tani, ekspertët paralajmërojnë se lufta në ukrainë do të zgjasë më shumë nga sa mund të ishte imagjinuar dhe këtë ide e përforcon akoma më shumë edhe dekreti i fundit i putinit, që kërkon rekrutimin në radhët e ushtrisë të 147 mijë trupave. Sipas shefit të Kremlinit, ky forcim i radhëve të ushtrisë ruse është i përvitshëm, ndërkohë që vetëm në shtator 120 mijë rusë të tjerë iu bashkuan forcave të armatosura. Në Rusi, të gjithë burrat e moshës 18 deri në 27 vjeç janë të detyruar të kryejnë shërbimin ushtarak për një vit, ose trajnimin ekuivalent gjatë kohës kur ndjekin arsimin e lartë.