Raketat ukrainase kanë goditur urën Chonhar që lidh krimenë me pjesë të rajonit jugor të Khersonit që është nën kontrollin e Rusisë, duke detyruar trafikun të zhvendoset në një drejtim tjetër – thanë zyrtarët e emëruar nga rusia të enjten. E ashtuquajtura “portë drejt Krimesë”, e njohur nga rusët si ura Chongar, është një nga të paktat lidhje mes krimesë, që moska e aneksoi në 2014-ën, dhe pjesës tjetër të Ukrainës. Ajo ndodhet në një trajektore të përdorur nga ushtria ruse për të lëvizur mes Krimesë dhe pjesëve të tjera të Ukrainës nën kontrollin e saj. Nuk ka patur komente të menjëhershme nga Kievi, që ka thënë se do të rimarrë krimenë dhe të dëbojë forcat ruse nga tokat e tij. Vladimir Saldo, guvernatori i emëruar nga rusia në Kherson, pjesë të të cilit forcat ruse i kanë marrë nën kontroll, tha se ura ishte dëmtuar por nuk kishte viktima apo të lënduar. Në një foto që ai postoi në telegram, shihej një gropë e madhe në sipërfaqe të urës, me ujin që shihej nën të dhe mbetjet e shpërndara përreth. Saldo tha se informacioni fillestar, sugjeronte se ukraina me gjasë kishte përdorur raketat dhëna nga Britania, Storm Shadoë, për sulmin.