Ministri rus i mbrojtjes urdhëroi Flotën ruse në Detit të Zi të forcojë mbrojtjen e objekteve të saj dhe të kryejë stërvitje të rregullta se si të zmbrapsin sulmet ndaj anijeve të saj. Sergei Shoigu vizitoi qendrën komanduese të Flotës dhe foli me komandantët atje për situatën me të cilën janë përballur, tha ministria ruse e mbrojtjes. Vizita e tij vjen pasi marina ruse e Detit të Zi përballet me sulme të shpeshta nga forcat ukrainase. Në një postim në Telegram, ministria tha se Shoigu urdhëroi "trajnim të vazhdueshëm me personelin si gjatë ditës ashtu edhe gjatë natës për të zmbrapsur sulmet terroriste të armikut", si dhe përpjekjet për të rritur "mbijetesën e anijeve dhe luftanijeve si edhe sigurinë e infrastrukturës" në zonën e përgjegjësisë së flotës”. "Çdo ditë është e nevojshme të kryhen trajnime me personelin. Stërvitje për të zmbrapsur sulmet ajrore dhe sulmet dronë pa pilot. Stërvituni ditën dhe natën në mënyrë që të gjithë ekuipazhet tona të jenë gati," tha Shoigu.