Ukraina ka ftuar ministrin e Jashtëm të Kinës për një takim dy palësh mes liderëve të dy vendeve. Sipas Reuters lajmi është bërë publik nga Ministria e Jashtme e Kievit dhe ftesa vjen pasi ministri i Jashtëm ukrainas Dmytro Kuleba shkoi në Kinë javën e kaluar. "Jemi të gatshëm të mirëpresim Ministrin në Ukrainë që të shohë me sytë e tij pasojat e agresionit rus ndaj vendit tonë dhe që të mbajmë bisedime më të thella dypalëshe me të për bisedime dypalëshe, rajonale dhe ndërkombëtare", tha zëdhënësi i ministrisë së Jashtme ukrainase. Ministri i Jashtëm ukrainas Dmytro Kuleba zhvilloi vizitën e tij të parë në Kinë javën e kaluar për të takuar homologun e tij kinez që kur Rusia filloi sulmet ndaj Ukrainës në shkurt të vitit 2022. Megjithëse e konsideron veten si një vend neutral ndaj luftës që po zhvillohet mes Ukrainës dhe Rusisë, Pekini ruan lidhje shumë të ngushta me Moskën. Kina e cila konsiderohet si ekonomia e dytë më e madhe në botë, ka ofruar mbështetje diplomatike për Rusinë dhe ka ndihmuar në mbajtjen e ekonomisë së saj në kohë lufte.