Nënkruateri i Këshillit të Sigurisë në Rusi, ish presidenti Dimitry Medvedev, është shfaqur në këtë vit lufte si zëri më i egër e radikal i Kremlinit. Dhe ashtu sic ka bërë edhe më herët, me kërcënime të hapura bërthamore ndaj Ukrainës e perëndimit, ai paralajmëron së fundmi se Ukraina do të zhduket si shtet pasi askush nuk ka nevojë për të. Medvedev tha se vetë Evropa nuk ka nevojë për Ukrainën sepse ajo tashmë po përjeton një ferr financiar dhe politik të shkaktuar nga mbështetja e saj për Kievin. Sipas Medvedev, fluksi i refugjatëve ukrainas, rritja e inflacionit, faturat kolosale për ngrohje dhe energji elektrike, vuajtja e biznesit evropian dhe sanksionet aspak të frytshme mbi Rusinë, kanë cuar në pakënaqësi si në Evropën Perëndimore ashtu edhe në atë Lindore.