Ish presidenti rus Dmitry Medvedev ka thënë se furnizimi me armë gjithnjë e më të avancuara amerikane për Ukrainën, do të shkaktojë akoma më shumë sulme hakmarrëse nga rusia, deri në masën e lejuar nga doktrina bërthamore e saj. “E gjithë Ukraina që do të mbetet nën sundimin e Kievit, do të digjet”, ka thënë ai në një intervistë me gazetaren Nadana Fridrikhson. Kjo e fundit, e pyeti Medvedevin, që si zëvendës president i këshillit të sigurisë është bërë një nga figurat më të zëshëm pro luftës në Ukrainë, nëse përdorimi i armëve me rreze më të gjatë veprimi mund të dorëzojë rusinë të negociojë me Kievin. “Rezultati do të jetë krejt i kundërt”, u përgjigj Medvedev. "Vetëm frikacakët moralë, prej të cilëve ka me bollëk në Shtëpinë e bardhë dhe në kongresin amerikan, mund të kenë një logjikë të tillë”.