Para takimit të G7 në ishullin e Caprit në Itali presidenti ukrainas Volodymyr Zelenski u bëri thirrje partnerëve perëndimorë që t'i vënë Ukrainës në dispozicion mbrojtjen ajrore urgjentisht të nevojshme kundër dronëve dhe raketave ruse. Presidenti Zelenski tha se aleatët perëndimorë duhet të mbrojnë Ukrainën ashtu siç mbrojtën Izraelin kundër sulmeve iraniane. Por organizatori i takimit, ministri i Jashtëm italian Antonio Tajani, e hodhi poshtë krahasimin e Zelenskit duke thënë se situata në Izrael është krejtësisht ndryshe nga ajo në Ukrainë.