Presidenti Donald Trump tha se SHBA do t'i japë Ukrainës leje për të prodhuar raketa interceptuese Patriot, një nxitje e madhe kjo për Kievin, i cili prej kohësh ka kërkuar ndihmë për armët mbrojtëse. "Ne do t'ju japim një licencë për të prodhuar Patriot. Kjo është shumë interesante. Në këtë mënyrë, nuk mund të ankoheni se nuk po u japim mjaftueshëm", tha Trump në një takim me Presidentin ukrainas Volodymyr Zelenski në samitin e NATO-s në Ankara. "Është një armë mbrojtëse, që më pëlqen më shumë sesa një armë sulmuese", shtoi Trump. Trump nuk dha detaje specifike, por toni i takimit ishte një ndryshim i theksuar nga kritikat e tij të ashpra ndaj Zelenskit në të kaluarën, kur ai e ka quajtur presidentin ukrainas edhe mosmirënjohës. Trump tha pas takimit se të dy kishin zhvilluar një marrëdhënie "shumë të mirë" dhe si Moska ashtu edhe Kievi donin t'i jepnin fund luftës.