Në mesin e tensioneve që po rriten akoma më shumë, ukraina dhe Rusia kanë kryer një shkëmbim të papritur të burgosurish, më i madhi që nga fillimi i luftës. Rusia liroi 215 të burgosur lufte, mes të cilëve edhe komandantët e batalionit Azov. Për javë të tëra, ata udhëhoqën rezistencën në qytetin e Mariupolit, të strehuar në bunkeret dhe tunelet e metalurgjikut gjigand të Azovstalit, dhe konsiderohen heronj në Ukrainë. 10 të huaj të kapur në Ukrainë po ashtu janë liruar nga Moska. Në këmbim, Ukraina dërgoi në rusi 55 luftëtarë rusë si edhe politikanin ukrainas pro rus, Viktor Medvedchuk që përballej me akuza për tradhëti.