Forcat ukrainase bombarduan një fshat në rajonin kufitar rus të Bryanskut, në kufi me ukrainën, më herët të martën...tha guvernatori lokal në një postim në median sociale, një ditë pasi një shpërthim nxorri nga binarët një tren mallrash në të njëjtin rajon. “Në mëngjes, forcat e armatosura të Ukrainës bombarduan fshatin Kurkovichi”, tha guvernatori i Bryanskut Aleksander Bogomaz në një postim në kanalin e tij në Telegram. “Nuk kishte të lënduar. Si rezultat i bombardimeve një zjarr shpërtheu në një shtëpi. të gjitha shërbimet e emergjencave janë në vendngjarje”. Agjencia e lajmeve Reuters nuk ka qenë në gjendje të konfirmojë në mënyrë të pavarur raportet. Ukraina pothuajse asnjëherë nuk merr përsipër publikisht përgjegjësinë për sulmet brenda në Rusi dhe në territorin e kontrolluar nga rusia në Ukrainë. Ushtria sidoqoftë, raporton për aktivitetet e përditshme dhe lëvizjet e trupave në fushëbetejë.