Zyrtari i lartë i sigurisë ruse, Dmitry Medvedev, tha të enjten se nënshkrimi i një marrëveshjeje për mineralet e rralla mes Ukrainës dhe Shteteve të Bashkuara do të thotë që Presidenti amerikan Donald Trump, e ka detyruar Kievin të paguajë për ndihmën e ardhshme ushtarake amerikane. Marrëveshja, e nënshkruar në Uashington të mërkurën, do t'u japë Shteteve të Bashkuara akses preferencial në marrëveshjet e reja për mineralet e Ukrainës dhe do të financojë investimet për rindërtimin e Ukrainës. Kiev Post, duke cituar burime diplomatike, tha se administrata Trump kishte njoftuar gjithashtu Kongresin të mërkurën për qëllimin e saj për t’i dhënë dritën jeshile eksportit të produkteve të lidhura me mbrojtjen në Ukrainë përmes shitjeve të drejtpërdrejta tregtare prej 50 milionë dollarësh ose më shumë, hapi i parë i këtij lloji që nga kthimi i Trumpit në Shtëpinë e Bardhë.