Dronët detarë ukrainasë goditën dy cisterna nafte nga e ashtuquajtura "flota hije" e Rusisë, ndërsa ato udhëtonin nëpër Detin e Zi, thanë zyrtarët ukrainas. Pamjet e verifikuara nga BBC tregonin dronë ujorë që kalonin me shpejtësi mes valëve drejt anijeve, përpara se të shpërthenin në një lëmsh flakësh që ngriti tym të zi në qiell. Cisternat e goditura u emëruan nga autoritetet turke si Kairos dhe Virat, të dyja me flamur të Gambias. Të dy ato u goditën në brigjet turke të premten, me Virat që thuhet se u godit përsëri të shtunën. Nuk është raportuar ndërkohë për viktima. Sulmet duket se janë një përshkallëzim nga Kievi, ndërsa përpiqet të godasë të paratë e Rusisë nga nafta, të cilat janë kritike për financimin e luftës së saj në Ukrainë. Të dy anijet thuhet se janë pjesë e "flotës hije" të Rusisë - një term që i referohet qindra cisternave të përdorura nga Rusia për të anashkaluar sanksionet perëndimore të vendosura pas pushtimit të Ukrainës në vitin 2022.