Të paktën 14 persona kanë humbur jetën në Bosnje e Hercegovinë dhe "shumë të tjerë" janë lënduar, pas reshjeve të shiut që shkaktuan edhe rrëshqitje të mëdha dheu. "Kemi shumë njoftime për persona të zhdukur", tha një zëdhënës i Qeverisë së Qarkut të Hercegovinës dhe Neretvës. Ai shtoi se situata më kritike është në zonën e Donja Jabllanicës, që gjendet në rrugën nga Mostari për në Sarajevë. Reshjet e dendura të shiut kanë shkaktuar përmbytje dhe rrëshqitje dheu në Bosnjë e Hercegovinë gjatë natës mes së enjtes dhe së premtes, ndërsa gjendja më kritike raportohet të jetë në zonën e Jabllanicës, ku uji nga përmbytjet në disa fshatra ka kaluar mbi çatitë e shtëpive. "Një grua shtatzënë, që humbi foshnjën e saj, është evakuuar nga zonat e përmbytura në jug të Bosnje e Hercegovinës", thanë burimet spitalore. Bashkëshorti i saj gjithashtu ishte lënduar, por është jashtë rrezikut për jetën. Gjatë një mbledhjeje të jashtëzakonshme, Presidenca e Bosnje Hercegovinës vendosi të angazhojë Forcat e Armatosura në komunën e Jabllanicës. Ekipe të shpëtimit, njësi të tjera dhe një helikopter i ushtrisë u përfshinë në përpjekjet për t'ju ofruar ndihmë autoriteteve civile. Ministria e Sigurisë e Bosnje e Hercegovinës më herët tha se një helikopter i forcave të Bashkimit Evropian në Bosnje (EUFOR) po transporton nga Jabllanica personat e plagosur rëndë, tha Ministria e Sigurisë e Bosnje e Hercegovinës. Zyrtarët thanë se në Jabllanicë por edhe në të gjithë vendin do të shpallej gjendja e fatkeqësisë natyrore. Në shumë zona ka patur rrëshqitje dheu dhe dalje të lumenjve nga shtrati. Shumë rrugë janë bllokuar dhe disa ura në mostar janë shembur. Zyrtarët i kanë kërkuar banorëve që të qëndrojnë në shtëpi dhe të mos udhëtojnë nga mostari drejt jabllanicës apo zonave përreth, sepse kështu doi të rrezikojnë jetën e tyre.