Një objekt i errët lëviz në qiellin pranë një anijeje të marinës amerikane, para se papritur të kridhet në ujë dhe të zhduket. Kjo është ajo që shihety në një video të publikuar së fundmi, që tregon një objekt të paidentifikuar të pikasur pranë brigjeve të San Diegos. Një producent filmash dokumentarë, Jeremy Corbell, ka ndarë pamjet e objektit misterioz fluturues, në formë sferike, në instagram. Pentagoni më pas konfirmoi se vidoja, që besohet se është filmuar në 2019, është bërë nga personel i marinës amerikane. “Nëse kjo i përket kësaj bote apo një bote tjetër, ne nuk e dijmë”, thotë Corbell. “Është vetëm pjesë e një serie më të madhe eventesh që ne do të shohim në vijim”. E ky është në fakt më i fundit në një seri pikasjesh të objekteve fluturuese misterioze dhe të paidentifikuara. Muajin e kaluar. Corbell ndau një video të një tjetër objekti misterioz që kishte formën e një piramide të përmbysur, që fluturonte pranë një tjetër anijeje të marinës amerikane. Në fakt, pilotët kanë raportuar pikasjen e atyre që qeveria i quan fenomene ajrore të paidentifikuara, prej dekadash, me disa evente të fiksuara në video dhe të tjerë thjeshtë të raportuar nga pilotët. Pamjet më të fundit po shqyrtohen nga një task forcë qeveritare, që do të informojë kongresin muajin e ardhshëm. Sidoqoftë, detajet e këtij rasti të fundit, si edhe shumë të tjerë më herët, mund të mbeten të klasifikuar.