Një UFO u përplas me një avion luftarak amerikan mbi Arizona, duke çarë mbulesën që mbronte pilotin dhe duke e detyruar avionin 63 milionë dollarësh të ulej, kanë zbuluar raporte të reja. Sipas Administratës Federale të Aviacionit, avioni luftarak F-16 Viper u godit nga një 'UAS me ngjyrë portokalli dhe të bardhë' - që do të thotë sistem ajror pa pilot, i njohur ndryshe si dron, më 19 janar 2023. Brenda një dite nga kjo përplasje, pati tre raste të tjera të mjeteve të paidentifikuar mbi bazën Barry Goldëater të Forcave Ajrore, ku avioni luftarak u dëmtua, thuhet në dokumente. Baza Barry Goldëater ndodhet në një hapësirë të shkretë përgjatë kufirit mes Arizonës dhe Meksikës ku ushtria praktikon luftime ajër-ajër dhe ajër-tokë. Raporti i forcave të armatosura amerikane për përplasjen e F-16ës zbuloi se avioni luftarak po fluturonte në hapësirë ajrore të kufizuar pranë Gila Bend, të Arizonës, kur u godit nga objekti në pjesën e pasme të tij, pikërisht në mburojën që mbron pilotin. Nuk u raportuan të lënduar. Forcat Ajrore nuk zbuluan se sa dëme pësoi avioni, por ai u ul në tokë për riparime. Këto detaje të reja vijnë pasi një raport tronditës nga Zyra e Zgjidhjes së Anomalive në të Gjitha Domenet e Departamentit të Mbrojtjes tregon se ka pasur qindra raportime për UFO-t në vitet e fundit dhe Arizona po bëhet pika e re e nxehtë e UFO-ve në SHBA. Përplasja e F-16 është vetëm një nga 22 incidentet që përfshijnë pilotë luftarakë të Forcave Ajrore që kanë parë ose janë përplasur me objekte të çuditshme mes tetorit 2022 dhe qershorit 2023. Edhe pse Forcat e armatosura amerikane thanë se nuk ka prova që në incidentin e fundit përfshihej diçka jashtëtokësore, ky është raportimi më i fundit i UFO-ve në hapësirën ajrore amerikane mbi Arizona.