Kryetari i Partisë Domokratike Lulzim Basha ka kujtuar përmes një postimi në Twitter 4 oficerët e policisë që u vranë 11 vjet më parë gjatë një aksioni për arrestimin e Dritan Dajtit, një nga personat më të kërkuar nga piolicia në atë kohë, aktualisht i denuar me 25 vite burg. Sipas Bashës 11 vjet pas vrasjes në krye të detyrës të dëshmorëve, oficereve të antimafias Fatos Xhani, Altin Dizdari, Kastriot Feskaj, dhe Sajmir Duçkollari, drejtësia akoma nuk është bërë. “Dëshmorët e Atdheut po rivriten nga qeveria ortake e krimit të organizuar dhe nga drejtësia e kapur. Gjatë këtyre 7 viteve në koordinim me narkoqeverinë janë kryer të gjitha makinacionet dhe skemat për të blerë lirimin e Dritan Dajtit, vrasësit të 4 policëve. Një shoqëri ku krimi dhe qeveria bashkëjetojnë e ndajnë favore nuk mund të ketë kurrë paqe dhe zhvillim.