Vëllai i 23 vjeçarit shqiptar, Klajdi Bitri që u vra pasditen e së dielës nga një algjerian pasi ndërhyri për të shuar sherrin me shokun e tij, ka folur për mediat italiane. 18 vjeçari, Xhuliano Bitri ka rrëfyer të gjithë dinamikën se si ndodhi ngjarja ndërsa shton se e ka parë të vëllanë të vdiste para syve të tij. “Dua drejtësi. E pashë vëllain të vdiste para meje, pa e kuptuar as pse. Pa pasur kohë për të vënë re se ai po vdiste. E pashë të zbehej gjithnjë e më shumë, krejt papritur. Ishim në dy makina. Unë isha me vëllain tim dhe një person tjetër, ndërsa në tjetrin ishte një miku ynë italian me gruan dhe dy fëmijët e tij të vegjël. Së bashku, duhej të shkonim në det në Sirolo. Kur mbërritëm, pamë mikun tonë italian duke u rrahur nga algjeriani në mes të rrugës.’- është shprehur 18-vjeçari për krimin e rëndë. 18-vjeçari rrëfen se kur ka parë sherrin, 23 vjeçari ka zbritur për t’i ndarë. Algjeriani shkoi për të marrë tek makina shtizën, me të cilën qëlloi në gjoks të riun.