Autori që plagosi nënë e bijë në Fushë-Kosovë, ka humbur jetën në spital. Nënë e bijë janë plagosur në Fushë Kosovë gjatë të shtunës, ndërsa policia thotë se autori ka ndërruar jetë pasi dyshohet se ka qëlluar me armë ndaj vetes së tij. Mediat kosovare shkruajnë se autori është paraqitur në spital me plagë të rëndë, pasi dyshohet se ishte vetëplagosur. Menjëherë pas plagosjes, ai u largua, ndërsa Policia ka bërë të ditur se pas lokalizimit të vendndodhjes së tij, i dyshuari i armatosur ka qëlluar në drejtim të policëve. Uniformat blu te Kosoves sqaron se i dyshuari besohet të jetë vetëplagosur, por janë duke u zhvilluar hetimet për zbardhjen e rastit. “I dyshuari në përpjekje e sipër për t’iu shmangur arrestit policor, në rrethana që aktualisht po trajtohen ka marrë plagë nga shkrepja e armës së zjarrit. Pavaresisht se ka baza të forta dyshimi për vetëplagosje, policia së bashku me autoritetet e tjera po heton të gjitha rrethanat”, thuhet në njoftimin e Policisë.