Emri i Joe Biden nuk ishte në fletëvotime në zgjedhjet e 5 nëntorit, por historia ka të ngjarë ta kujtojë humbjen e madhe të Kamala Harrisit edhe si humbjen e tij, shkruan Associated Press. Disa nga mbështetësit e nënpresidentes janë shprehur të pakënaqur ndaj Biden, duke thënë se ai priti deri në verë për t'u tërhequr nga gara– pavarësisht shqetësimeve të hershme të votuesve për moshën e tij dhe shqetësimeve për inflacionin pas pandemisë, si edhe për gjendjen në kufirin SHBA-Meksikë, e cila edhe vulosi humbjen e Shtëpisë së Bardhë nga partia e tij. "Përgjegjësia më e madhe për këtë humbje është e Presidentit Biden," thotë Andreë Yang, i cili kandidoi kundër zotit Biden në vitin 2020. “Nëse ai do të kishte dhënë dorëheqjen në janar dhe jo në korrik, ne mund të ishim në një situatë shumë më ndryshe.”