Ministria e Punëve të Brendshme e Maqedonisë së Veriut ka konfirmuar se tre shtetasit nga Kosova, të raportuar si të zhdukur janë gjetur pa shenja jete në një automjet të përmbysur në rrugën nga Pikëkalimi Kufitar Bllacë drejt Shkupit. Sipas ministrisë, rasti është raportuar më 19 korrik 2026, rreth orës 22:35, për një automjet “Mercedes” me targa gjermane I përmbysur në këtë aks rrugor. Pas aksidentit, policia ka konstatuar vdekjen e tre personave, mestyre dy gra. Pas policisë, vdekja e tyre është konfirmuar edhe nga një mjek I ndihmës së shpejtë. Tre shtetasit ishin raportuar si të zhdukur nga të afërmit, dhe se kontakti I fundit me ta ishte realizuar më 18 korrik 2026, rreth orës 22:15, kur ndodheshin në aeroportin e Shkupit. Ushtruesja e detyrës së presidentes së vendit në Kosovë, Albulena Haxhiu, ka shprehur ngushëllime për humbjen tragjike të jetës së tre qytetarëve nga Vushtrria, në aksidentin pranë Bllacës.