Ambasada e SHBA i shpreh urimet Altin Dumanit për vlerësimin me Çmimin për Kampionët Kundër Korrupsionit për vitin 2024 për përpjekjet e jashtëzakonshme në luftën kundër korrupsionit. Përmes një reagimi në rrjetet sociale, ambasada thekson se “Ky çmim nderon vendosmërinë, guximin dhe integritetin tuaj të palëkundur në ndjekjen e drejtësisë në emër të popullit shqiptar.” “Puna juaj frymëzon të gjithë ata që besojnë në fuqinë e së vërtetës dhe llogaridhënies. Ambasada e SHBA do të vazhdojë të punojë me ju, me SPAK dhe me të gjithë institucionet e drejtësisë për të bërë realitet barazinë përpara ligjit për të gjithë qytetarët e Shqipërisë.”, thuhet në reagimin e ambasadës. Kreu I SPAK u vlerësua nga sekretari amerikan I shtetit, Antony Blinken I cili tha se Dumani ka bërë një punë të jashtëzakonshme pasi ka goditur politikanë të lartë e kriminelë.