Banorët dhe të afërmit e personave që humbën banesat nga zjarri shprehen të shqetësuar mbi mundin e një jete, pasi investimet dhe dëmet kapin vlera të konsiderueshme. Ndërkohë një qytetare shprehet se që prej pasdites së djeshme ka humbur kontaktet me shoqen e saj. Ajo tha se e ka telefonuar disa herë, por nuk ka mundur dot të lidhet me të. Një ditë pas flakëve që mbërthyen pallatin, mjetet zjarrfikëse dhe forcat policore vijojnë të jenë të pranishme, për të shmangur cfarëdo lloj incidenti të mëtejshëm.