Një nga dy anëtarët e Gardës Kombëtare që u qëlluan në Uashington DC të mërkurën ka humbur jetën, tha Presidenti amerikan Donald Trump. Sarah Beckstrom, 20 vjeç, ndërroi jetë nga plagët e marra, tha Presidenti Trump të enjten në mbrëmje. Anëtari i dytë i Gardës Kombëtare, 24-vjeçari Andreë Ëolfe, "po lufton për jetën e tij", tha ai. Të dy u qëlluan nga afër pranë Sheshit Farragut në qendër të qytetit të mërkurën. Policia ka arrestuar një të dyshuar për të shtënat, Rahmanullah Lakanëal, një 29-vjeçar nga Afganistani. Presidenti Trump konfirmoi vdekjen e Beckstrom gjatë një telefonate me anëtarët e shërbimit amerikan. "Sarah Beckstrom nga Virxhinia Perëndimore, një nga rojet për të cilat po flasim, një person shumë i respektuar, e re, e mrekullueshme... Ajo sapo ka ndërruar jetë. Ajo nuk është më me ne", tha ai. Një zyrtar i Shtëpisë së Bardhë i tha CBS Neës, se Trump foli më vonë me prindërit e saj. Beckstrom ishte rekrutuar më 26 qershor 2023 dhe ishte caktuar në Kompaninë e 863-të të Policisë Ushtarake, Brigada e 111-të e Inxhinierisë së Gardës Kombëtare të Ushtrisë së Virxhinias Perëndimore. Ajo ishte ofruar vullnetare për të punuar në kryeqytetin e vendit gjatë festës së Falënderimeve. Të dy ushtarët kishin qenë në një patrullim në një zonë ku shumë punonjës zyrash qarkullojnë gjatë drekës. Më shumë se 2,000 trupa kanë ruajtur kryeqytetin amerikan që nga gushti, kur presidenti i dislokoi ato në qytete për të trajtuar atë që ai e quajti krim "të dalë jashtë kontrollit".