51 vjecarja Agata Karbonara e cila mbeti e plagosur nga një plumb qorr pak pas mesnatës së 31 dhjetori, ka dhënë dëshminë e saj lidhur me ngjarjen. Duke folur për mediat italiane, Karbobara tregoi momentin kur u plagos, teksa ishte duke ecur me bashkëshortin e saj në bulevardin “Zogu 1”. Sipas shtetases italiane, plumbi goditi një pemë e më pas la atë të plagosur, pa kuptuar se si ndodhi. Familjarët e 51 vjecares kërkuan që Agata të transferohet drejt Italisë, në mënyrë që të marrë trajtim më të specilizuar. Lidhur me këtë ngjarje, pati një reagim edhe avokati i të plagosurës, i cili foli për mundësinë e transferimit të saj drejt Italisë. Avokati Leonardo Candeloro tha se klientja e tij ndodhet jashtë rrezikut, ndërsa kërkoi ndihmë për ndërhyrje nga institucionet vendase. Grupi hetimor deri në këtë fazë nuk e ka endee të qartë nga ka ardhur plumbi. Ndonëse janë sekuestruar të gjitha pamjet e kamerave të zonës përreth, ende nuk është konstatuar ndonjë gjë e dyshimtë. Hetimet për këtë ccëshje vijojnë prej datës 31 dhjetor.