Pas përplasjes së Flamur Nokës me demokraten, Anila Aliaj në mbledhjen e kryesisë në Kamëz, reagoi edhe kryedemokrati Sali Berisha. Ai mohon që anëtarja e Partisë Demokratike të jetë përjashtuar për shkak të debateve me Nokën, duke mos fshehur edhe kritikat për zgjedhjen e saj që këtë çështje ta bënte mediatike. “Ajo zonja që foli me Flamur Nokën, nuk është larguar nga partia dhe askush nuk mund të largojë absolutisht asnjë anëtar dhe simpatizant pse i tha këto, Sali Berishës, Flamur Nokës apo cilit do drejtues. Kjo nuk ekziston në këtë parti. Zonja nuk mund të largohet, nuk mund të përjashtohet nga partia asnjë njeri për mendimet e tij. Por nëqoftëse ta supozojmë në rastin ekstrem se ndodhi, zonja ka të gjithë rrugën të hapur për ankesën ndaj padrejtësisë që mund të pretendojë se i është bërë. Në vend të kësaj, ajo zgjodhi mediat, ajo bëri një zgjidhje të saj. Por në dijeni time, në raportimet që janë bërë, ajo nuk është përjashtuar nga partia.”