Ka përjetuar një agresion të vërtetë seksual në Metavers, e rrethuar dhe përdhunuar nga avatarë meshkuj. Tani, policia britanike ka nisur hetimin për atë që po e konsideron një dhunim të vërtetë seksual në grup, pavarësisht se gjithcka ka ndodhur në një realitet virtual. Dhe ky, është i pari hetim i këtij lloji në mbretërinë e bashkuar. Viktima, identiteti i të cilës nuk është bërë i ditur, është 16 vjec, sipas të dhënave. Vajza kishte vendosur syzet e realitetit virtual dhe po luante një lojë kur avatari i saj u sulmua nga shumë të tjerë. Edhe pse fizikisht vajza nuk ka pësuar asnjë dëmtim, ngjarja nuk mund të minimizohet dhe të konsiderohet në kuadër të lojës. Ka pasoja emotive dhe psikologjike tek viktima – shpjegon një funksionar i policisë për Daily Mail, që janë më të vështira madje se sa dëmtimet fizike. Vec të tjerash, eksperienca intensive në metavers e bën akoma më të vështirë për një fëmijë vecanërisht, që të dallojë se cfarë është reale dhe cfarë është e rreme. Hetimet e policisë britanike nisën pikërisht për faktin se viktima ka pësuar një traumë psikologjike të ngjashme me atë të një dhunimi fizik. Korniza juridike në fjalë është akoma shumë pak e qartë. Por sic thuhet nga hetuesit, metaversi është i mbushur me krime seksuale. Në 2022, psikoterapistja nina jane patel, që bën kërkime në metavers, kishte shkruar për një makth të pabesueshëm pasi ishte përdhunuar në grup në lojën Horizon Venues, tani Horizon Ëolds. Fakti që abuzimi ka ndodhur në një botë virtuale – ka shpjeguar ajo në një artikull – nuk ka shkaktuar më pak tronditje tek unë.