Vlerësimi i miratimit të Mark Carneyt është rritur në nivele rekord pas një fjalimi në Davos në të cilin ai u përball me Donald Trumpin dhe u bëri thirrje aleatëve të bashkohen kundër autoritarizmit. Popullariteti i kryeministrit kanadez u rrit pas fjalimit të tij në davis ku ai tha se "fuqitë e mesme" duhet të bashkohen kundër ngacmimit nga Shtetet e Bashkuara. Fjalimi gjithashtu pati jehonë mes udhëheqësve në Evropë, ku Carney mori lëvdata për vlerësimin e tij të drejtpërdrejtë të politikës globale të fuqisë. Një sondazh i publikuar të hënën nga Instituti Angus Reid, një grup kërkimor kanadez, zbuloi se mbështetja për Carney ishte rritur me tetë pikë duke shkaur në 60%, që është edhe shifra më e lartë që kur ai u zgjodh kryeministër në mars. Ndërkohë, popullariteti i presidentit amerikan ra në 38%, dhe ky është vlerësimi më të ulët që ai ka marrë në mandatin e tij të dytë, sipas një sondazhi të Reuters/Ipsos. Carney erdhi në pushtet papritur vitin e kaluar duke ofruar një alternativë ndaj të djathtës të Kanadasë, e cila ishte afruar me Trumpin. Në Alpet Zvicerane javën e kaluar, Carney u ankua kundër "fuqive të mëdha" që përdorin integrimin ekonomik si "armë". Ai paralajmëroi për rrezikun që i kanoset vendeve të mesme se "integrimi bëhet burimi i nënshtrimit tuaj". "Fuqitë e mesme duhet të veprojnë së bashku, sepse nëse nuk jemi në tryezë, jemi në menu", tha ai. Fjalët e tij, të interpretuara gjerësisht si një thirrje kundër Trumpit, magjepsën elitën e Davosit, e cila e lavdëroi atë për njohjen e saktë të realitetit të ri në një mënyrë që shumica e udhëheqësve evropianë nuk e pranojnë.