Anijet e mbytura gjatë luftës së dytë botërore, në betejën epike të Ivo Jima-s, janë shkëputur nga fundi i oqeanit pas dridhjeve të tokës nga një vullkan në Japoni. Pamjet satelitore tregojnë mbetjet e 24 anijeve të transportit të kapura nga marina amerikane gjatë ditëve të fundit të 1945. Pamjet dramatike u publikuan nga mediat kaponeze pasi shtrati i detit nisi të rritej për shkak të aktivitetit nga mali Suribachi në perëndim të ishullit Ivo Jima. Anijet e mbytura tani gjenden mbi hirin vullkanik falë dridhjeve sizmike. Gjatë luftës, anijet u zhvendosën për të krijuar një lloj porti për tu përgatitur për pushtimin e trupave amerikane. Ato formuan një lloj rrethimi për të mbrojtur barkat e tjera të ngarkuara me trupa dhe armë. Ivo Jima u mor nga SHBA për shkak të dy fushave ajrore të tij. Gjatë betejës, 216 ushtarë japonezë u kapën rob ndërsa pjesa tjetër e 20 mijë trupave u vranë. Rreth 7 mijë amerikanë humbën jetën në luftime. Fotoja ikonike e njohur si ngritja e flamurit mbi Ivo Jima, tregon marinsat amerikanë që vendosin flamurin mbi majën e Suribachi-t. 168 metra i lartë, maja raportohet të jetë një nga 10 vullkanet më të rrezikshëm në vend. Ishulli mbetet i pabanuar dhe ka vetëm një prezencë të ushtrisë japoneze, të vendosur atje që nga 1068-ta.