Autoritetet ruse në rajonin e permit kanë nisur një operacion të gjerë në kërkim të një ish të dënuari dhe ish-ushtar që ka shërbyer në Ukrainë, i cili akuzohet se ka vrarë nëj grua 28 vjeçare dhe vajzën e saj të mitur, 7 vjeç. Autori ishte dënuar me 20 vite burg për përdhunimin dhe vrasjen e një infermiereje, por ishte mes mijëra të dënuarve që u liruan në vitin 2023 në këmbim të shërbimit ushtarak në Ukrainë. Sipas politikave ruse që nga fillimi i pushtimit në shkallë të plotë, si Ministria Ruse e Mbrojtjes ashtu edhe Grupi Ëagner kanë rekrutuar të burgosur për të luftuar në Ukrainë. Sipas kësaj procedure, ish-të burgosurit fallen ose u zbritet dënimi në këmbim të shërbimit ushtarak. Ky nuk është rasti i parë kur të dënuar të liruar për të luftuar në Ukrainë rikthehen në Rusi dhe kryejnë sërish krime. Pak ditë më parë, një gjykat ruse dënoi një ish të burgosur dhe ish mercenar të Vagner me burgim të përjetshëm, pasi vrau tre persona me t’u kthyer nga lufta e Ukrainës.