Presidenti gjerman Frank Valter Steinmeier është përballur me një surprizë të pakëndshme gjatë vizitës së tij në Katar kur u la të priste në derën e avionit në Doha, për 30 minuta, pasi asnjë zyrtar vendas nuk kishte dalë ta priste. Incidenti, shkaktoi një devijim nga protokolli i zakonshëm diplomatik që i rezervohet shefave të shtetit dhe ka ngritur shumë pikëpyetje për gjendjen e marrëdhënieve mes katarit dhe gjermanisë. Zakonisht, vizita e një shefi shteti parashikon mikpritjen nga zyrtarët e vendit pritës dhe një devijim nga kjo normë mund të sugjerojë një neglizhencë të mundshme ose një lëvizje të përllogaritur mirë. Sidoqoftë, arsyet specifike që qëndrojnë pas kësaj vonese, mbeten ende të panjohura. Por, fillimi i pazakontë i vizitës së presidentit gjerman ka ndezur spekulime për potencialin e ftohjes së marrëdhënieve mes dy vendeve. Vizita e steinmeier në katar vjen në një kohë tensionesh gjeopolitike dhe diskutimesh për energjinë. Gjermania po përpiqet të diversikojë burimet e saj të energjisë që pas luftës në ukrainë dhe katari është një nga prodhuesit kryesorë të gazit të lëngshëm natyror. Për më tepër, Steinmeier në katar do të diskutonte edhe cështje të rëndësisë së vecantë, përfshirë lirimin e pengjeve gjermane që mbahen nga hamasi.