Edhe pse në kushte pandemie dhe e mbyllur për zhvillimin e gjyqeve, Gjykata e Durrësit punon vetëm për masat e sigurisë. Këtë të dielë, gjykata e Durrësit vendosi lënien në burg të shoferit të kamionit ku u gjetën dhe sekuestruan mbi 294 mijë euro të padeklaruara në kufi. Ferdinand Murikaj 29 vjecc u arrestua në flagrancë dhe ndaj tij rëndojnë akuzat për konsumim të veprave penale të ''mosdeklarimit të të hollave dhe sendeve me vlerë në kufi'' dhe ''pastrim i produkteve të veprës penale''. Ndonëse Murikaj nuk i ka pranuar akuzat e ngritura ndaj rij, gjyqtarja e ccështjes e vleftësoi të ligjshëm arrestin e tij dhe vendosi caktimin e masës së sigurimit ''arrest me burg''. Në kërkim vijon të jetë shtetasi Erjon Jovani 36 vjecc, pronar i kamionit, i cili ka qenë dhe më parë i proceduar penalisht për trafik narkotikësh. Nga hetimet paraprake dyshohet se paratë e sekuestruara vinin nga veriu i Italisë dhe janë produkt i veprimtarisë kriminale të grupeve që merren me trafikun dhe shpërndarjen e narkotikëve dhe do të pastroheshin në vendin tonë duke u investuar në aktivitete të ndryshme.