Tre pushues nga Gjilani i Kosovës, kanë humbur jetën në mënyrë tragjike në Gjirin e Lalëzit. Burimet zyrtare bëjnë me dije se tre anëtarët e familjes Haliti, Elfete, Afrim dhe Ferzinaze Haliti kanë humbur jetën pasi kishin konsumuar kërpudha të mbledhura në pyll. Mësohet se në momentin kur ishin shfaqur shenjat e para të helmimit, tre familjarët i janë drejtuar qëndrës shëndetësore në Manzës për mjekim. Pas marrjes së serumit, çifti Halili dhe nëna e tyre janë përcjellë për në banesë, ku pas disa orësh kanë humbur jetës si pasojë e gjendjes së rënduar. Mësohet se çifti Halili kanë qenë prindër të katër fëmijëve një vajze dhe tre djem, të cilët kanë mbetur jetim pas ngjarjes së rëndë. Dy mjekët të cilët kryen trajtimin mjekësor të tre viktimave, janë proceduar penalisht për veprën penale “Mjekim i pakujdesshëm’. Trupat e pajetë të tre anëtarëve të familjes Halili kanë mbërritur në Gjilan mbrëmjen e së shtunës ndërsa varrimi i tyre do të bëhet në kohën e faljes së namazit të Ikindisë në 16 e 30.