Të paktën tetë persona kanë vdekur dhe 18 të tjerë janë ende të zhdukur pasi një anije pasagjerësh u përmbys pranë Qipros veriore, tha kreu i administratës turke atje. Ünal Üstel, kryeministri i republikës së vetëshpallur turke të Qipros, tha se trageti mbante 259 pasagjerë dhe tetë anëtarë të ekuipazhit kur filloi të mbushej me ujë pasi u nis nga qyteti bregdetar i Kyrenias të dielën. Kapiteni i anijes dhe shtatë anëtarë të ekuipazhit janë ndaluar si pjesë e një hetimi për të zbardhur shkaqet e kësaj tragjedie, shkroi Üstel në mediat sociale. Zyrtarët thonë se shumica dërrmuese e atyre që ishin në bord janë shpëtuar. Një operacion kërkim-shpëtimi me autoritetet turke është duke u zhvilluar. Anija tani është fundosur dhe autoritetet po përpiqen të rikuperojnë kutinë e saj të zezë që regjistron të dhënat e lundrimit për të përcaktuar se çfarë ka ndodhur.