Trupi i një pensionisteje u gjet i “ngrënë nga mesi e lart” nga macet e saj, pasi komshinjtë u ankuan për një erë të tmerrshme që vinte nga apartamenti i saj. Trupi i Clara Ines Tobon, 79 vjece, ishte konsumuar nga të paktën 5 prej 7 maceve të saj, pas vdekjes në shtëpinë e saj në Madrid. Zjarrfikësit hynë me forcë në apartament të hënën, pas ankesave të komshinjve për erën e keqe dhe mizat e shumta. Gruaja me kombësi kolumbiane, e cila jetonte vetëm që nga viti 1996, me gjasë ka qenë e vdekur që prej të paktën tre muajsh. Burime të policisë thanë se atë “e kishin ngrënë nga mesi e lart”, dhe se ishte “gjëja më e tmerrshme që kishin parë në gjithë karrierën e tyre.” ndërkohë po bëhen analiza për të sqaruar nëse ka qenë Covid-19 një nga shkaqet e vdekjes, meqë komshinjtë thanë se gruaja nuk kishte qenë mirë që prej vitit të kaluar. Sipas policisë, shtëpia ishte e mbushur me mbeturina dhe jashtëqitje macesh, dhe 5 prej maceve ishin të ngordhura. Ato po analizohen për të parë nëse kanë konsumuar pjesë nga trupi i të zonjës së tyre.