GJKKO ka lënë në masën e sigurisë arrest në shtëpi Daniel Lalajn, 21 vjeçarin e ekstraduar dy ditë më parë nga Gjermania. Lalaj akuzohet nga SPAK për kultivim të narkotikëve, grup të strukturuar kriminal dhe kryerje të veprave nga organizata kriminale. Lalaj u arrestua nga autoritetet gjermane pasi ishte shpallur në kërkim nga GJKKO. Ai pritet të përballet me akuza të ngritura nga SPAK për kultivim të bimëve narkotike, përfshirje në një grup të strukturuar kriminal dhe kryerje të veprave penale nga organizata kriminale. Sipas SPAK, Lalaj ishte pjesë e një grupi që mbolli 4000 bimë kanabisi në Pukë në vitin 2021. Policia e Shtetit bën me dije se operacioni “The Wanted” do të vijojë me intensitet në bashkëpunim të ngushtë me agjencitë ligjzbatuese partnere në vendet e tjera.