Modelja kroate Ivana Knoll, e njohur ndryshe si “knoll Doll”, u bë e famshme gjatë Botërorit të Katarit 2022, ku shfaqej në tribuna e të brendshme me ngyrat e flamurit kroat. Në një muaj aktivitet, Knoll Doll arriti të fitojë vëmendjen e miliona fansave në rrjetet sociale. Por jo vetëm kaq, pasi edhe kompanive të modës nuk u shpëtuan format e saj joshëse, ndaj i ofruan kontrata të ndryshme reklamimi, duke e shndërruar në një protagonist në rrjetet sociale. Së fundi kroatja ndodhet në Ibiza, ku po kalon pushimet në brigjet e njohura spanjolle, teksa duket se aty ka gjetur edhe yllin norvegjez të Manchester City-t, Erling Haaland. Ky i fundit ndodhet gjithashtu në Ibiza, ashtu si një pjesë e madhe e futbollistëve, teksa Knoll Doll ka gjetur kohën për të kaluar disa momente me yllin norvegjez, e nuk ka ngurruar të shpërndajë edhe foto me të në rrjetet sociale.