Gjykata e Posaçme kundër Korrupsionit dhe Krimit të Organizuar ka ndryshuar masën e sigurisë për ekspertin Shkëlqim Korbi, duke elënë në arrest shtëpie. Mjeku kërkoi ndryshim të masës së sigurisë për shkak të problemeve shëndetësore. Ai u arrestua së bashku me ish-gjyqtaren Enkeleida Hoxha dhe 8 persona të tjerë, pasi dyshohet se ishte i përfshirë në korrupsion. Sipas dosjes së SPAK mjeku Shkelqim Korabi lëshoi një ekspertizë të rremë në mënyrë që të përfitonte lirinë e parakohshme me kusht Gentian Nezaj dhe Saimir Petani. Gjyqtarja Enkeleida Hoxha akuzohet për korrupsion dhe se ka abuzuar me detyrën në lirimin e disa të dënuarve të ngjarjeve të rënda të dënuar me burgim të përjetshëm, si Endrit Doklen, Hekuran Billën, Genc Tafilin dhe Ilir Pajën, përmes një skeme të njëjtë . Pak ditë pas arrestimit, ajo kërkoi të lirohej nga burgu, me argumentin se nuk ka kush kundeset për djalin e saj I cili vuan nga autizimi. Por edhe në Apel Gjyqtarja Hoxha u la në burg. Ajo u arrestua nga SPAK pak muaj më parë, pas një superoperacioni të bërë në Gjykatën e Krujës, në seancë gjyqësore teksa po lironte një tjetër të dënuar.