Ish komandoja Merviol Bilon, i akuzuar për vrasjen e ndodhur në ish-Bllok më 4 tetor 2018, është dënuar me shërbim prove nga Gjykata e Posaçme Kundër Krimit dhe Korrupsionit. Akuza me të cilën ish efektivi komando i Forcave të Armatosura u dërgua për gjykim, është ajo e plagosjes së rëndë në kapërcim të kufijve të mbrojtjes së nevojshme ndaj shtetasit Elion Hato. Ai momentin e ngjarjes ishte I punësuar si trupërojë e Ervin Matës, një nga protagonistët e ngjarjes së rëndë të para gati tre viteve. Pas ngjarjes Bilo ka mundur t’i shpëtojë policisë dhe gjatë gjithë kësaj kohe ka qenë në arrati. Ai u dënua nga gjykata me 7 vite burg për plagosje e armëmbajtje pa leje. Duke përfituar nga gjykimi i shkurtuar, dënimi i Merviol Bilos u reduktua në 4 vite e 8 muaj burg, por edhe ky dënim i është konvertuar në shërbim prove. Gjatë gjykimit, avokati Alban Bengasi arriti të bindte gjykatën se klienti i tij kishte reaguar duke perdorur armën për shkak se i rrezikohej jeta. Pushimi i akuzës për vrasjen e Fabiol Gaxhës bëhet sepse argumentohet se ka qenë në kushtet e mbrojtjes ekstreme. Sipas Prokurorisë, krimi besohet se ndodhi për shkak të mosmarrëveshjeve të vazhdueshme mes dy grupeve rivale në një lokal në zonën e ish-Bllokut, ku mbeti i vrarë Fabian Gaxha, ndërsa u plagosën Ervis Martinaj dhe Eljon Hato.